Unë quhem Esam El Nagar dhe jam 49 vjeç. Jam i martuar me Helena Nilson El Nagar dhe i kemi tre fëmijë bashkë.

Jam ekonomist i diplomuar, deputet dhe kryesues i grupit të Partisë Popullore Liberale në komunën e Udevallës, anëtar i kuvendit komunal dhe i kryesisë së tij, si dhe zëvendësues në Regjionin e Gotalandit Perëndimor. Poashtu, jam kryesues i komisionit komunal për ekonomi e treg të punës, kryesues i ndërmarrjes Moderbolaget (Udevalla Utveckling AB), kryesues në Pleqësinë për integrim e demokraci, nënkryetar në LEADER (projekt i BE-së për zonat rurale) si dhe anëtar i Këshillit turistik për Suedinë perëndimore.

Preokupimet e mia kryesore janë: kushtet e ndërmarrësve, pse nga ato varen ndërmarrësit e vegjël, sidomos turizmi, dhe rritja ekonomike e regjionit ku banoj; çështjet e banimit, pse çmimet e ndërtimit i kushtëzojnë kushtet e banimit të bashkëqytetarëve të mi; si dhe integrimi dhe demokracia, pse skajimi i njerëzve për arsye etnike e fetare na e ndanë shoqërinë tonë në ata që kontribojnë e ndjehen të vlerësuar, e në ata që do të mund të kontribonin por detyrohen të jetojnë me ndihma.

Mendoj se është me rëndësi t'i informojmë të gjithë ata që arratisen a shpërngulen në Suedi për normat e vlerat humaniste që e përshkojnë shoqërinë tonë. S'bën të ketë asnjë paqartësi se jeta në Suedi nënkupton respekt të detyrueshëm për vlerat tona, e për ligjet që i konkretizojnë ato. Për një liberal, është e vetëkuptueshme që çdo qytetar i ka të njëjtat të drejta e detyrime pavarësisht prej përkatësisë etnike.

E di që gjatë karrierës sime kam krijuar shumë miq në radhët e komunitetit shqiptar këtu ku banoj. Një pjesë syresh i kam takuar shpesh kur kam marrë pjesë personalisht në ngarkimin e ndihmave për shqiptarët në Ballkan. Me tjerë shqiptarë jam takuar gjatë demonstratave kundër shkeljeve në Kosovë, gjatë sajimit të peticioneve për Kosovën, apo kur kam ndërmjetësuar e lobuar në favor të paqes, të drejtave, e lirisë në Ballkan. Prandaj, besoj se që jam emër i njohur për ata shqiptarë që kanë vepruar si aktivistë në regjionin tim.

Tashti, unë kam vendosur të kandidoj për një vend në parlamentin suedez Riksdagun për Regjionin e Båhus (Båhuslän) si dhe në komunën e Uddevalla. Për mua është shumë e rëndësishme që në parlament t'i shpie brengat e hallet nga jeta e përditshme e bashkëqytetarëve të mi vendorë. Unë dua të jem një politikan që i dëgjon zërat e bashkëqytetarëve.

Prandaj, të lutem më kontakto qysh sot në www.folkpartiet.se/essam dhe më këshillo se ç'të bëj për ta përdorur si është më së miri në Riksdag besimin tënd.

Sinqerisht,
Esam El Nagar

 

PS! Këtu mund ta shikoni në faqën zyrtare të Komunës së Uddevalla takimin mes Ambasadës së Shqipërisë dhe këshilltarët e komunës së UDDEVALLËS!